ஹேமாஸ் வத்தளை வைத்தியசாலையில் இலங்கையின் முதலாவது தனியார் துறை சிறுவர் கல்லீரல் மாற்று சத்திரசிகிச்சை

இலங்கையின் தனியார் சுகாதாரத் துறையில் முதலாவது சிறுவர் கல்லீரல் மாற்று சத்திரசிகிச்சையை ஹேமாஸ் வத்தளை வைத்தியசாலை வெற்றிகரமாக மேற்கொண்டுள்ளது.
பேராசிரியர் மேரந்தி பெர்னாண்டோ மற்றும் பேராசிரியர் ரோஹன் சிறிவர்தன உள்ளிட்ட பல்வேறு துறைகளைச் சேர்ந்த 12 விசேட வைத்தியர்களைக் கொண்ட குழு இந்த சத்திரசிகிச்சையில் பங்கேற்றது.
ஹேமாஸ் வைத்தியசாலைகள் மற்றும் ஆய்வகங்கள் குழுமத்தின் முகாமைத்துவப் பணிப்பாளர் கலாநிதி லக்கித் பீரிஸ், இந்த சத்திரசிகிச்சையை நாட்டின் சுகாதாரத் துறைக்கு ஒரு முக்கியமான மைல்கல் என விவரித்தார்.
சிக்கலான சத்திரசிகிச்சைகளை உள்நாட்டிலேயே வழங்குவதன் மூலம் சிகிச்சைக்காக வெளிநாடுகளுக்குச் செல்ல வேண்டிய அவசியம் நீங்குவதாகவும், குடும்பங்களுக்கு ஏற்படும் நிதி மற்றும் உளவியல் அழுத்தங்கள் குறைவதாகவும் வைத்தியசாலை தெரிவித்துள்ளது.