இலங்கையில் மதுபாவனையால் ஆண்டுதோறும் சுமார் 20,000 மரணங்கள் – ADIC தகவல்

இலங்கையில் மதுபாவனையால் ஆண்டுதோறும் சுமார் 20,000 பேர் உயிரிழக்கின்றனர். இது ஒரு நாளைக்கு சுமார் 55 மரணங்கள் என மது மற்றும் போதைப்பொருள் தகவல் நிலையத்தின் (ADIC) நிகழ்ச்சிப் பணிப்பாளர் அமரநாத் தென்ன தெரிவித்துள்ளார்.
நவம்பர் 17 அன்று அனுராதபுரத்தில் உரையாற்றிய தென்ன, நாட்டின் சனத்தொகையில் 20% முதல் 22% வரையானோர் மதுவுக்கு அடிமையானவர்கள் எனக் குறிப்பிட்டார். 43% ஆண்களும் 12% பெண்களும் மது அருந்துவதாகவும் அவர் சுட்டிக்காட்டினார்.
மதுவுக்கு அடிமையானவர்களில் பெரும்பாலானோர் குறைந்த வருமானம் பெறுபவர்கள் எனவும், அவர்கள் தினமும் சுமார் ரூ. 560 மில்லியன் மதுவுக்காக செலவிடுவதாகவும் தென்ன மேலும் தெரிவித்தார். அனுராதபுரம் மாவட்ட ஊடகவியலாளர்களுக்கான விழிப்புணர்வு நிகழ்ச்சியொன்றில் அவர் இந்தக் கருத்துக்களை வெளியிட்டார்.