இலங்கையில் பிளாஸ்டிக் பயன்பாடு மற்றும் எரிப்பைக் கட்டுப்படுத்த கொள்கை நடவடிக்கை அவசரம்

இலங்கையில் பிளாஸ்டிக் கழிவுகளால் அதிகரித்து வரும் சுகாதார மற்றும் சுற்றுச்சூழல் அபாயங்களுக்கு மத்தியில், கொள்கை வகுப்பாளர்கள் பிளாஸ்டிக் பயன்பாட்டை அவசரமாகக் கட்டுப்படுத்த வேண்டும் மற்றும் சுற்றுச்சூழலுக்கு உகந்த உள்ளூர் பொருட்களை ஊக்குவிக்க சலுகைகளை வழங்க வேண்டும்.
தினசரி பயன்பாட்டுப் பொருட்கள், விவசாயம், மீன்பிடி மற்றும் விளம்பரங்களில் பயன்படுத்தப்படும் பெரும்பாலான பிளாஸ்டிக்குகள் மறுசுழற்சி செய்ய முடியாதவை மற்றும் புதைக்கப்படுகின்றன அல்லது எரிக்கப்படுகின்றன. மைக்ரோபிளாஸ்டிக்ஸ், நானோபிளாஸ்டிக்ஸ் மற்றும் நச்சு இரசாயனங்கள் காற்று, உணவு, நீர் மற்றும் தோல் தொடர்பு மூலம் மனித உடலில் நுழைகின்றன.
பொலித்தீன் பைகள், லஞ்ச் சீட்கள் மற்றும் யோகட் கோப்பைகளை எரிப்பதற்கு எதிராக சுகாதார அமைச்சின் சுற்றுச்சூழல் மற்றும் தொழில்சார் சுகாதாரப் பணிப்பகத்தின் எச்சரிக்கைகள் சிறிதளவு தாக்கத்தையே ஏற்படுத்தியுள்ளன. இந்த நடைமுறை பெண்கள் மற்றும் குழந்தைகளை நுரையீரல் புற்றுநோய், பக்கவாதம், சுவாச நோய்கள் மற்றும் குறைந்த பிறப்பு எடை அபாயங்களுக்கு உள்ளாக்குகிறது.