இலங்கையின் பல பகுதிகளில் நவம்பர் 20 அன்று காற்றுத் தரம் ஆரோக்கியமற்ற நிலையை எட்டியது

நவம்பர் 20 அன்று இலங்கையின் பல பகுதிகளில் காற்றுத் தரம் ஆரோக்கியமற்ற நிலையை எட்டியுள்ளதாகவும், இதனால் ஏற்படக்கூடிய சுகாதாரப் பாதிப்புகள் குறித்து பொதுமக்களுக்கு எச்சரிக்கை விடுக்கப்பட்டுள்ளதாகவும் மத்திய சுற்றாடல் அதிகார சபை அறிவித்துள்ளது.
சிலாபத்தில் மிக உயர்ந்த காற்றுத் தரச் சுட்டெண் பெறுமதி 190 ஆகப் பதிவு செய்யப்பட்டுள்ளது. ஆரோக்கியமற்ற நிலையைப் பதிவு செய்த ஏனைய பகுதிகளில் யாழ்ப்பாணம் 164 ஆகவும், திருகோணமலை 161 ஆகவும், முல்லைத்தீவு 160 ஆகவும், கிளிநொச்சி 159 ஆகவும், அநுராதபுரம் 156 ஆகவும் பதிவாகியுள்ளன.
மன்னாரில் 132 ஆகவும், அக்கரைப்பற்று மற்றும் பத்தரமுல்லையில் 131 ஆகவும், கண்டி 127 ஆகவும், இரத்தினபுரி 126 ஆகவும், எல்ல 119 ஆகவும் பதிவாகியுள்ள பெறுமதிகள், உணர்திறன் கொண்ட குழுக்களுக்கு ஆரோக்கியமற்றவை என வகைப்படுத்தப்பட்டுள்ளன.