வடக்கு மாகாணத்தில் மருத்துவக் கழிவுகளை எரிக்கும் நிலையம் அமைக்க யோசனை

வடக்கு மாகாணத்தில் வைத்தியசாலைக் கழிவுகளை சுற்றாடலுக்கு பாதிப்பில்லாத வகையில் அகற்றுவதற்காக நவீன மருத்துவக் கழிவுகளை எரிக்கும் நிலையம் ஒன்றை அமைக்கும் சாத்தியக்கூறுகள் ஆராயப்பட்டு வருவதாக ஆளுநர் அலுவலகத்தின் சிரேஷ்ட அதிகாரி ஒருவர் தெரிவித்தார்.
ஒரு தனியார் முதலீட்டாளரின் யோசனையை அடுத்து, வடக்கு மாகாண ஆளுநர் என். வேதநாயகன், நவம்பர் 16 அன்று தனது யாழ்ப்பாண அலுவலகத்தில் மாகாண அதிகாரிகள், யாழ்ப்பாண பல்கலைக்கழக மருத்துவ பீடத்தின் பீடாதிபதி மற்றும் முதலீட்டாளர் பிரதிநிதிகளுடன் ஒரு கூட்டத்தை நடத்தினார்.
இந்த முன்முயற்சிக்கான முக்கிய தேவைகளாக பொருத்தமான இடத்தை தெரிவு செய்தல், தொழில்நுட்ப வசதிகளைப் பெறுதல் மற்றும் உட்கட்டமைப்பை மேம்படுத்துதல் ஆகியவை அடையாளம் காணப்பட்டுள்ளன. இந்த யோசனையை முன்னெடுப்பதற்காக எதிர்வரும் நாட்களில் பல சுற்று கலந்துரையாடல்கள் திட்டமிடப்பட்டுள்ளன.