இரண்டு நிறுவனங்களுக்கு 3.3 மில்லியன் ரூபா அபராதம் விதித்தது நிதிப் புலனாய்வுப் பிரிவு

நிதி கொடுக்கல் வாங்கல் அறிக்கை சட்டத்தை கடைப்பிடிக்காத காரணத்தினால், 2026 ஏப்ரல் மற்றும் ஜூன் மாதங்களுக்கு இடையில் மத்திய வங்கியின் நிதிப் புலனாய்வுப் பிரிவு 3.3 மில்லியன் ரூபா மொத்த நிர்வாக அபராதங்களை வசூலித்துள்ளது என 2026 நவம்பர் 18 அன்று வெளியிடப்பட்ட அறிக்கையில் தெரிவிக்கப்பட்டுள்ளது.
பணச் சலவை மற்றும் பயங்கரவாதத்திற்கு நிதியளித்தலைத் தடுக்கும் விதிமுறைகளுக்கு இணங்குவதை அமுல்படுத்துவதற்காக இந்த அபராதங்கள் திரட்டப்பட்டு ஒருங்கிணைந்த நிதியத்தில் வரவு வைக்கப்பட்டுள்ளன.
கொமர்ஷல் கிரெடிட் அன்ட் பினான்ஸ் பிஎல்சி நிறுவனத்திற்கு 2026 ஏப்ரல் 9 அன்று 3 மில்லியன் ரூபா அபராதம் விதிக்கப்பட்டதுடன், அது 2026 ஏப்ரல் 21 அன்று செலுத்தப்பட்டது. ஐக்கிய நாடுகள் சபையினால் பெயரிடப்பட்ட ஒருவருடன் வணிக உறவுகளை ஏற்படுத்திய வாடிக்கையாளர்களை சரிபார்க்கத் தவறியமைக்காக இந்த அபராதம் விதிக்கப்பட்டது.
நியூ நடாஷா (பிரைவேட்) லிமிடெட் நிறுவனத்திற்கு 2026 மே 15 அன்று 300,000 ரூபா அபராதம் விதிக்கப்பட்டதுடன், அந்தத் தொகை 2026 ஜூன் 3 அன்று செலுத்தப்பட்டது.