போதைப்பொருள் பாவனையால் ஆண்டுக்கு சுமார் 20,000 மரணங்கள் – ADIC அதிகாரி

இலங்கையில் போதைப்பொருள் பாவனையால் ஏற்படும் நோய்களால் ஆண்டுக்கு சுமார் 20,000 பேர் உயிரிழக்கின்றனர். இது தினசரி சுமார் 55 மரணங்களுக்கு சமம் என மதுசாரம் மற்றும் போதைப்பொருள் தகவல் நிலையத்தின் (ADIC) பணிப்பாளர் அமரநாத் தென்ன தெரிவித்துள்ளார்.
அநுராதபுரம் கிறிஸ்டன்பார்க் ஹோட்டலில் ஊடகவியலாளர்களுக்கான விழிப்புணர்வு நிகழ்வொன்றில் உரையாற்றிய தென்ன, பொதுமக்கள் தினசரி சுமார் ரூ. 560 மில்லியன் போதைப்பொருட்களுக்காக செலவிடுவதாகவும், பெரும்பாலான பாவனையாளர்கள் குறைந்த வருமானம் பெறுபவர்கள் எனவும் குறிப்பிட்டார்.
நாட்டின் சனத்தொகையில் சுமார் 20 முதல் 22 சதவீதம் பேர் மதுபானம் பாவிப்பவர்கள் அல்லது அதற்கு அடிமையானவர்கள் எனவும், இவர்களில் சுமார் 43 சதவீதம் ஆண்களும் 12 சதவீதம் பெண்களும் அடங்குவதாகவும் தென்ன மேலும் சுட்டிக்காட்டினார்.