வறுமை, போசாக்கின்மை அதிகரிப்பால் இலங்கையின் குழந்தைகளுக்கு ஆதரவளிக்க வணிகங்களுக்கு அழைப்பு

உலக வங்கியின் அறிக்கையின்படி, இலங்கையில் வறுமை 2019 இல் 11.3% ஆக இருந்து 2025 இல் 24.5% ஆக இருமடங்கிற்கும் அதிகமாக அதிகரித்துள்ளது. இது குழந்தை சுகாதாரப் பராமரிப்பு மற்றும் உயிர்வாழ்வில் பல தசாப்த கால முன்னேற்றத்திற்கு அச்சுறுத்தலாக உள்ளது.
2025 இல் ‘தித்வா’ சூறாவளி 275,000 க்கும் மேற்பட்ட குழந்தைகளைப் பாதித்தது. அதே ஆண்டில் நடைபெற்ற தேசிய போசாக்கு மாத ஆய்வில், ஐந்து வயதுக்குட்பட்ட குழந்தைகளில் கிட்டத்தட்ட பாதி பேர் குறைந்தது ஒரு வளர்ச்சி தொடர்பான பிரச்சினையை எதிர்கொண்டனர்.
தோட்டப்புறங்களில் உள்ள குழந்தைகள், அனர்த்தங்களால் பாதிக்கப்பட்ட பகுதிகளில் உள்ளவர்கள் மற்றும் மாற்றுத்திறனாளிக் குழந்தைகள் மீது இந்த பாதிப்புகள் கடுமையாக இருந்தன. அரசாங்கம் மற்றும் UNICEF இன் முயற்சிகளுக்கு, குறிப்பாக இலங்கையின் புதிய ஆரம்பகால குழந்தைப்பருவ கல்வி பாடத்திட்டத்தில் முதலீடு செய்வதன் மூலம் ஆதரவளிக்குமாறு வணிகங்களுக்கு அழைப்பு விடுக்கப்பட்டுள்ளது.