15 வயது சிறுமியின் குகை பிரசவம் சட்டரீதியான பாலியல் பலாத்காரம் – அமைச்சர் சவித்திரி பவுல்ராஜ்

மனித குடியிருப்புகளிலிருந்து சுமார் ஏழு கிலோமீற்றர் தொலைவில் வனப்பகுதிக்குள் அமைந்துள்ள நக்கிள்ஸ் வனப்பாதுகாப்புப் பிரதேசத்தில் உள்ள குகையொன்றில் 15 வயது சிறுமி ஒருவர் மருத்துவ உதவியின்றி குழந்தையொன்றைப் பிரசவித்துள்ளார். குழந்தையின் தொப்புள் கொடி கித்துல் கைத்தொழில் கத்தியால் வெட்டப்பட்டுள்ளது.
இந்தச் சம்பவத்தை நேரில் சென்று பார்வையிட்ட மகளிர் மற்றும் சிறுவர் விவகார அமைச்சர் சவித்திரி பவுல்ராஜ், இது சட்டரீதியான பாலியல் பலாத்கார வழக்கு எனத் தெரிவித்துள்ளார். இலங்கைச் சட்டத்தின் கீழ், 16 வயதுக்குட்பட்ட ஒரு பெண்ணுடன் சம்மதத்துடன் அல்லது சம்மதமின்றி பாலியல் உறவு கொள்வது சட்டரீதியான பாலியல் பலாத்காரமாகக் கருதப்படுகிறது.
குழந்தையின் தந்தை 23 வயதுடையவர். இந்தச் சம்பவம் பரவலான சமூக கொந்தளிப்பைத் தூண்டியுள்ளதுடன், சிறுவர் நலன் மற்றும் சமூகப் பாதுகாப்பு வலைப்பின்னல்கள் குறித்த கவலைகளையும் எழுப்பியுள்ளது.