ஐ.சி.சி. மகளிர் வளர்ந்து வரும் நாடுகள் கிண்ணம்: ஐக்கிய அரபு இராச்சியத்தை 5 விக்கெட்டுகளால் வீழ்த்தி இலங்கை சூப்பர் சிக்ஸ் சுற்றுக்குத் தகுதி

ஐ.சி.சி. மகளிர் வளர்ந்து வரும் நாடுகள் கிண்ணத் தொடரில் ஐக்கிய அரபு இராச்சியத்தை 5 விக்கெட்டுகளால் வீழ்த்திய இலங்கை அணி, நவம்பர் 16ஆம் திகதி அஜ்மானில் நடைபெற்ற குழுநிலைப் போட்டிகளில் நான்கு தொடர்ச்சியான வெற்றிகளுடன் தோல்வியடையாத அணியாக முடித்தது.
முதலில் துடுப்பெடுத்தாடிய ஐக்கிய அரபு இராச்சிய அணி 20 ஓவர்களில் 8 விக்கெட் இழப்புக்கு 106 ஓட்டங்களைப் பெற்றது. ஆரம்பத் துடுப்பாட்ட வீராங்கனைகளான இஷா ஓசா (42) மற்றும் தீர்த்தா சதீஷ் (40) ஆகியோர் 70 ஓட்டங்கள் இணைப்பாட்டத்தைப் பெற்றனர். பின்னர் போட்டியின் சிறந்த வீராங்கனையாகத் தெரிவான கவிஷா தில்ஹாரி 22 ஓட்டங்களுக்கு 3 விக்கெட்டுகளைக் கைப்பற்றினார்.
இலங்கை அணி 15 ஓவர்களில் 5 விக்கெட் இழப்புக்கு 107 ஓட்டங்களைப் பெற்று இலக்கை அடைந்தது. ஆரம்பத் துடுப்பாட்ட வீராங்கனை விஷ்மி குணரத்ன 45 பந்துகளில் ஆட்டமிழக்காமல் 63 ஓட்டங்களைப் பெற்றார். அவருக்குக் கௌஷினி நுத்யங்கன 25 ஓட்டங்களுடன் 67 ஓட்டங்கள் இணைப்பாட்டத்தைப் பெற்று ஆதரவளித்தார்.
இந்த வெற்றியின் மூலம் இலங்கை அணி எட்டுப் புள்ளிகளுடன் குழு ஏ பிரிவில் முதலிடத்தைப் பிடித்து, நவம்பர் 20ஆம் திகதி ஆரம்பமாகவுள்ள சூப்பர் சிக்ஸ் சுற்றுக்குத் தகுதி பெற்றது.