சர்வதேச கிரிக்கெட் பேரவையின் தலைவராக ஜெய் ஷா போட்டியின்றி மீண்டும் தெரிவு

சர்வதேச கிரிக்கெட் பேரவையின் (ICC) தலைவராக ஜெய் ஷா இரண்டாவது தடவையாகவும் போட்டியின்றி மீண்டும் தெரிவு செய்யப்பட்டுள்ளார். இந்தத் தெரிவு இந்தோனேசியாவின் பாலியில் நடைபெற்ற சர்வதேச கிரிக்கெட் பேரவையின் பணிப்பாளர் சபை கூட்டத்தில் இடம்பெற்றது.
இந்தியப் பிரஜையான ஜெய் ஷா அடுத்த இரண்டு ஆண்டுகளுக்கு இந்தப் பதவியில் நீடிப்பார்.
மீண்டும் நியமிக்கப்பட்டதைத் தொடர்ந்து, பணிப்பாளர் சபையின் நம்பிக்கையால் தான் மிகவும் கௌரவிக்கப்பட்டதாகவும், உலகெங்கிலும் கிரிக்கெட்டின் மேம்பாட்டிற்காக அனைத்து உறுப்பினர்களுடனும் இணைந்து பணியாற்ற உறுதிபூண்டுள்ளதாகவும் ஜெய் ஷா தெரிவித்தார்.