ஹோர்முஸ் நீரிணையைத் தவிர்ப்பதற்காக கச்சா எண்ணெய் சேமிப்பு ஒப்பந்தத்தில் இந்தியாவும் ஐக்கிய அரபு அமீரகமும் கைச்சாத்து

இந்தியாவும் ஐக்கிய அரபு அமீரகமும் ஒரு ஒப்பந்தத்தில் கைச்சாத்திட்டுள்ளன. இந்த ஒப்பந்தம் புஜைராவில் கச்சா எண்ணெய் இருப்புகளை சேமிக்க இந்தியாவை அனுமதிப்பதுடன், ஐக்கிய அரபு அமீரகத்தின் எண்ணெய் நிறுவனமான ADNOC இற்கு இந்தியாவில் 30 மில்லியன் பீப்பாய்கள் வரை சேமிக்க அனுமதிக்கும்.
இந்த ஒத்துழைப்பு எரிசக்தி விநியோகத்தைப் பாதுகாப்பதையும், ஹோர்முஸ் நீரிணையில் கடல்வழிப் போக்குவரத்துத் தடங்கல்களைத் தவிர்த்து கச்சா எண்ணெய் ஏற்றுமதியைச் சாத்தியமாக்குவதையும் நோக்கமாகக் கொண்டுள்ளது.
ADNOC நிறுவனம் கரையோர வயல்களில் இருந்து புஜைராவுக்கு 406 கிலோமீற்றர் குழாய் மூலம் கச்சா எண்ணெயைக் கொண்டு செல்கிறது. இது கப்பல்கள் ஹோர்முஸ் நீரிணையை கடக்காமல் விநியோகங்களை ஏற்ற அனுமதிக்கிறது.
இந்த நீண்டகாலப் பங்களிப்பு கச்சா எண்ணெய்க்கு அப்பால் திரவமாக்கப்பட்ட இயற்கை எரிவாயு மற்றும் திரவமாக்கப்பட்ட பெட்ரோலிய எரிவாயு ஆகியவற்றுக்கும் விரிவடைகிறது.