தெலுல்லாவில் காட்டு யானை தாக்கி 69 வயது விவசாயி பலி

வெல்லவாய பிரதேச செயலகப் பிரிவுக்குட்பட்ட தெலுல்லா குடியேற்றத்திட்டத்தின் நைகல் ஆற கிராமத்தில், நவம்பர் 16ஆம் திகதி காலை இடம்பெற்ற காட்டு யானைத் தாக்குதலில் 69 வயதுடைய திருமணமாகாத விவசாயி ஒருவர் உயிரிழந்துள்ளார்.
தனது வயல் குடிசைக்குச் சென்று வீடு திரும்பிக் கொண்டிருந்தபோதே யானை அவரைத் தாக்கியுள்ளது.
கிராம மக்கள் அவரை உழவு இயந்திரம் மூலம் வைத்தியசாலைக்கு கொண்டு சென்று கொண்டிருந்த வேளையில் அவர் காயங்களுக்கு உள்ளாகி உயிரிழந்துள்ளார். குடஓயா பொலிஸார் மேலதிக விசாரணைகளை மேற்கொண்டு வருகின்றனர்.