கண்டி தலதா மாளிகையில் புனித தந்த தாது கோபுரத்தின் தங்க விதானம் மீண்டும் திரைநீக்கம் செய்யப்பட்டது

கண்டியில் உள்ள ஸ்ரீ தலதா மாளிகையில் புனித தந்த தாது கோபுர அறையை மூடியுள்ள 2,900 சதுர அடி தங்க விதானம், 24 கரட் தங்க மொசைக் நுட்பத்தைப் பயன்படுத்தி புனரமைக்கப்பட்ட பின்னர், நவம்பர் 20 ஆம் திகதி மீண்டும் திரைநீக்கம் செய்யப்பட்டது.
அஸ்கிரிய பீடத்தின் மகாநாயக்க தேரர் அதி வணக்கத்துக்குரிய வரக்காகொட ஸ்ரீ ஞானரத்ன தேரரின் தலைமையில் நடைபெற்ற இந்த நிகழ்வில் மகா சங்கத்தினர், தியவடன நிலமே பிரதீப் நிலங்க டேலா மற்றும் தாய்லாந்து பௌத்த பிக்குகள் குழுவினர் கலந்துகொண்டனர்.
1987 ஆம் ஆண்டு ரணசிங்க பிரேமதாசவினால் வழங்கப்பட்டு, இதற்கு முன்னர் 2002 மற்றும் 2018 ஆம் ஆண்டுகளில் புதுப்பிக்கப்பட்ட இந்த விதானம், அதன் பலகைகள் நிறமாற்றம் அடைந்து பழுதடைந்ததால் புனரமைக்கப்பட்டது. விஸ்வ பரமித நிதியத்தின் அனுசரணையில் 2025 ஆம் ஆண்டு இந்த திட்டம் ஆரம்பிக்கப்பட்டது.
இந்த புனரமைப்புப் பணியில் இத்தாலிய தொழில்நுட்ப ஆலோசனை, சிங்கப்பூரின் ரோயல் இன்சிக்னியாவினால் உருவாக்கப்பட்ட இரட்டை தங்க கலசங்கள் மற்றும் ஜப்பானிய நிறுவனமொன்றினால் வழங்கப்பட்ட ஒளியமைப்பு முறைமை என்பன உள்ளடங்கியிருந்தன.