40 பில்லியன் ரூபா வருவாய் இழப்பு குறித்து நடவடிக்கை எடுக்க CMTA அழைப்பு

இலங்கையின் வாகனத் துறையில் ஏற்பட்டுள்ள 40 பில்லியன் ரூபா வருவாய் இழப்பு குறித்து நடவடிக்கை எடுக்க சிலோன் மோட்டார் வர்த்தகர்கள் சங்கம் (CMTA) அழைப்பு விடுத்துள்ளது. அண்மையில் நடைபெற்ற ஊடகவியலாளர் சந்திப்பில் உரையாற்றிய CMTA தலைவர் அன்ட்ரூ பெரேரா, இத்துறையை நிர்வகிக்கும் கொள்கைகளில் அதிக நிலைத்தன்மை, வெளிப்படைத்தன்மை மற்றும் நியாயத்தன்மை தேவை என்பதை வலியுறுத்தினார். முழு வாகனத் துறையிலும் சமமான போட்டிச் சூழலை உறுதிப்படுத்த நிலையான வாகன இறக்குமதி கட்டமைப்பு அத்தியாவசியம் என சங்கம் வலியுறுத்தியது.