புதிய ஏழு தூதுவர்கள் ஜனாதிபதி அநுர குமார திஸாநாயக்கவிடம் நற்சான்றிதழ்களைச் சமர்ப்பித்தனர்

புதிதாக நியமிக்கப்பட்ட ஏழு தூதுவர்கள், ஐந்து தூதுவர்களும் இரண்டு உயர்ஸ்தானிகர்களும் அடங்கலாக, நவம்பர் 17 அன்று ஜனாதிபதி செயலகத்தில் ஜனாதிபதி அநுர குமார திஸாநாயக்கவிடம் தமது நற்சான்றிதழ்களைச் சமர்ப்பித்தனர்.
தென் கொரியக் குடியரசின் கிம் யூன்-ஜங், சுவிட்சர்லாந்தின் டேனியல் ஹன், ஐரோப்பிய ஒன்றியத்தின் சில்வியா ஹார்ட்லீஃப், எகிப்தின் அஹமட் எல்-சயீத் அப்தெல் ஹலீம் ஆமெர் ஹெலால், மற்றும் லாவோ மக்கள் ஜனநாயகக் குடியரசின் விதாயா ஸாயாவோங் ஆகியோர் தூதுவர்கள் ஆவர்.
நமீபியாவின் ஓய்வுபெற்ற விங் கமாண்டர் அலெக்ஸ் எல். துகுகுப்வேலே மற்றும் சிங்கப்பூரின் பட்ரிக் டேனியல் ஆகியோர் உயர்ஸ்தானிகர்கள் ஆவர். தென் கொரியா, சுவிட்சர்லாந்து, ஐரோப்பிய ஒன்றியம் மற்றும் எகிப்து ஆகிய நாடுகளின் தூதுவர்கள் கொழும்பில் வசிக்கின்றனர், அதேவேளை லாவோஸ் மற்றும் நமீபியாவின் தூதுவர்கள் புதுடெல்லியில் தங்கியுள்ளனர், சிங்கப்பூரின் தூதுவர் சிங்கப்பூரில் வசிக்கிறார்.
வெளிவிவகார அமைச்சர் விஜித ஹேரத் மற்றும் ஜனாதிபதியின் செயலாளர் கலாநிதி நந்திக சனத் குமாரநாயக்க ஆகியோரும் உடனிருந்தனர்.