இலங்கை கடற்றொழில் அதிகாரிகளுக்கு 430 மின்சார மோட்டார் சைக்கிள்களை வழங்க இந்தியா நிதி

இலங்கையின் கடற்றொழில் துறையின் கள அதிகாரிகளுக்கு 430 மின்சார மோட்டார் சைக்கிள்களை வழங்குவதற்காக 265 மில்லியன் ரூபா இந்திய மானியத்திற்கான ஒப்பந்தத்தில் இந்தியாவும் இலங்கையும் கைச்சாத்திட்டுள்ளன.
இந்திய உயர்ஸ்தானிகர் சந்தோஷ் ஜா மற்றும் கடற்றொழில் அமைச்சின் செயலாளர் கலாநிதி பி.கே. கொலித கமல் ஜினதாச ஆகியோர் கடற்றொழில் அமைச்சர் இராமலிங்கம் சந்திரசேகர் முன்னிலையில் புரிந்துணர்வு ஒப்பந்தத்தில் கைச்சாத்திட்டனர்.
இந்த மோட்டார் சைக்கிள்கள் கடற்றொழில் மற்றும் நீரியல் வளங்கள் திணைக்களம், NAQDA மற்றும் NARA ஆகியவற்றின் அதிகாரிகளுக்கு வழங்கப்படும். இது ஜனாதிபதி அநுர குமார திசாநாயக்கவின் "சுத்தமான இலங்கை" சுற்றுச்சூழல் நிலைத்தன்மை முன்முயற்சிக்கு ஆதரவளிக்கும்.