2024-2026 காலப்பகுதிக்கான தொழில் வருமான வரி 78% குறைப்பு – பிரதி அமைச்சர் வீரரத்ன

2024-2026 காலப்பகுதிக்கான தொழில் வருமான வரி சுமார் 78% குறைக்கப்பட்டுள்ளதாக டிஜிட்டல் பொருளாதார பிரதி அமைச்சர் எரங்க வீரரத்ன நவம்பர் 16 அன்று தெரிவித்தார். பாராளுமன்றத்தின் 2027 ஆம் ஆண்டுக்கான வரவு செலவுத் திட்ட விவாதத்தின் போது உரையாற்றிய அவர், முன்மொழியப்பட்ட வரி விலக்குகள் விரைவாக அமுல்படுத்தப்படும் என்று கூறினார்.
800 பொருட்களுக்கான செஸ் வரி சுமார் 12% குறைக்கப்பட்டுள்ளதுடன், 2027 ஆம் ஆண்டுக்கான மொத்த வரி விலக்குகள் ரூ. 28 பில்லியன் என மதிப்பிடப்பட்டுள்ளதாக வீரரத்ன தெரிவித்தார். பொருளாதாரத்தை ஸ்திரப்படுத்திய பின்னரே வரி விலக்குகளை வழங்க முடியும் என்றும் அவர் மேலும் கூறினார்.
வரி வலையமைப்பின் வெற்றிகரமான விரிவாக்கத்தைத் தொடர்ந்து, அரச துறையை டிஜிட்டல் மயமாக்குவதற்கு கணிசமான நிதி ஒதுக்கப்பட்டுள்ளதாகவும், அனைத்து அரசாங்க பரிவர்த்தனைகளையும் டிஜிட்டல் மயமாக்குவதற்கு கடுமையான நடவடிக்கைகள் திட்டமிடப்பட்டுள்ளதாகவும் அவர் குறிப்பிட்டார்.