தேசிய அணுசக்தி பாதுகாப்பு ஒருங்கிணைப்புக் குழுவை அமைக்க அமைச்சரவை அங்கீகாரம்

அறிவியல் மற்றும் தொழில்நுட்ப அமைச்சரின் முன்மொழிவுக்கு அமைச்சரவை அங்கீகாரம் வழங்கியுள்ளது. அதன்படி, அமைச்சின் கீழ் தேசிய அணுசக்தி பாதுகாப்பு ஒருங்கிணைப்புக் குழு ஒன்று அமைக்கப்படவுள்ளது.
அணுசக்தி மற்றும் கதிரியக்கப் பொருட்கள் மற்றும் அது தொடர்பான வசதிகள் சம்பந்தப்பட்ட கொள்கைகளை ஒருங்கிணைத்தல், அச்சுறுத்தல்களை மதிப்பிடுதல் மற்றும் செயற்பாட்டு ரீதியான பதிலளிப்புகளை ஒருங்கிணைப்பதற்கான நிரந்தர, மையப்படுத்தப்பட்ட பொறிமுறையாக இக்குழு செயற்படும்.
சர்வதேச அணுசக்தி முகவர் அமைப்பின் உறுப்பு நாடாக இலங்கை இருப்பதால், அத்தகைய பொருட்கள் சம்பந்தப்பட்ட அங்கீகரிக்கப்படாத அல்லது குற்றச் செயல்களைத் தடுக்கவும், கண்டறியவும் மற்றும் பதிலளிக்கவும் ஒரு பயனுள்ள திட்டத்தைப் பேணுவதற்கு இலங்கை கடமைப்பட்டுள்ளது.
அறிவியல் மற்றும் தொழில்நுட்ப அமைச்சின் செயலாளரைத் தலைவராகக் கொண்ட இக்குழுவில் பாதுகாப்பு, சட்டம் மற்றும் சட்ட அமுலாக்கல் பிரதிநிதிகள் இடம்பெறுவர். இலங்கை அணுசக்தி ஒழுங்குபடுத்தல் சபையின் பணிப்பாளர் நாயகம் அதன் செயலாளராகச் செயற்படுவார்.