கொக்கிளாய் – புல்மோட்டை பாலத்திற்காக 2027 வரவுசெலவுத் திட்டத்தில் 600 மில்லியன் ரூபா ஒதுக்கீடு

கொக்கிளாய் – புல்மோட்டை இணைப்புப் பாலத்தைக் கட்டுவதற்காக 2027ஆம் ஆண்டுக்கான வரவுசெலவுத் திட்டத்தில் ஆரம்பக்கட்டமாக 600 மில்லியன் ரூபா ஒதுக்கீடு செய்யப்பட்டுள்ளதாக வன்னி மாவட்ட நாடாளுமன்ற உறுப்பினர் துரைராசா ரவிகரன் அறிவித்துள்ளார்.
2025ஆம் ஆண்டுக்கான வரவுசெலவுத் திட்ட விவாதத்தின் பின்னர், ஜனாதிபதி அநுரகுமார திஸாநாயக்க மற்றும் போக்குவரத்து அமைச்சர் விமல் ரத்நாயக்க ஆகியோரிடம் தான் இத்திட்டத்தை மீண்டும் மீண்டும் கோரியதாக ரவிகரன் தெரிவித்தார்.
வீதி அபிவிருத்தி அதிகார சபையினால் மேற்கொள்ளப்பட்ட சாத்தியக்கூறு ஆய்வுகளுக்காக 2026ஆம் ஆண்டுக்கான வரவுசெலவுத் திட்டத்தில் முன்னர் நிதி ஒதுக்கப்பட்டிருந்தது. தொடர்ச்சியான கலந்துரையாடல்களை அடுத்து கட்டுமானத்திற்கான நிதி ஒதுக்கீடு செய்யப்பட்டுள்ளது.