ஆசிரியர் நேர்முகத் தேர்வுக்குத் தெரிவானவர்கள் விரும்பிய பாடசாலைகளை இணையவழியில் தெரிவு செய்ய கல்வி அமைச்சு அனுமதி

அரசாங்கப் பாடசாலை ஆசிரியர் நியமனத்துக்கான நேர்முகத் தேர்வுக்குத் தெரிவு செய்யப்பட்ட பட்டதாரிகள், நவம்பர் 17, 2026 முதல் காலியிடங்கள் உள்ள தங்களுக்கு விருப்பமான பாடசாலைகளைத் தெரிவு செய்ய முடியும் என கல்வி அமைச்சு அறிவித்துள்ளது.
நேர்முகத் தேர்வு அழைப்புக் கடிதங்களில் வழங்கப்பட்டுள்ள கடவுச்சொல்லைப் பயன்படுத்தி, அமைச்சுடன் தொடர்புடைய உத்தியோகபூர்வ இணையத்தளத்தின் ஊடாக விண்ணப்பதாரர்கள் தங்கள் விருப்பங்களை இணையவழியில் சமர்ப்பிக்கலாம்.
கடிதங்கள் கிடைக்கப்பெறாத விண்ணப்பதாரர்கள், கடிதங்கள் கிடைக்கும் வரை இந்த முறைமையை அணுக முடியாது என அமைச்சு தெரிவித்துள்ளது. கடிதங்கள் கிடைப்பதில் தாமதம் ஏற்படுவதாகத் தெரிவிக்கப்படும் விடயம் குறித்து விண்ணப்பதாரர்கள் கவலைப்பட வேண்டாம் எனவும் அமைச்சு அறிவுறுத்தியுள்ளது.