2027 வரவுசெலவுத் திட்ட முன்மொழிவுகளை உரிய நேரத்தில் அமுல்படுத்துமாறு இலங்கை வர்த்தக சம்மேளனம் வலியுறுத்தல்
அரசாங்கத்தின் 2027 வரவுசெலவுத் திட்ட முன்மொழிவுகளை இலங்கை வர்த்தக சம்மேளனம் வரவேற்றுள்ளதுடன், 2026 வரவுசெலவுத் திட்டத்திலிருந்து கொள்கைத் தொடர்ச்சி, பேரியல் பொருளாதார ஸ்திரத்தன்மை மற்றும் நிதிக் கட்டுப்பாட்டைப் பேணுவதன் மூலம் அவை பொருளாதார மாற்றத்தை வலுப்படுத்துகின்றன என்றும் தெரிவித்துள்ளது.
தமது 20 இற்கும் மேற்பட்ட முன்மொழிவுகள் உள்ளடக்கப்பட்டுள்ளதாக சம்மேளனம் குறிப்பிட்டதுடன், இந்த கொள்கை வாக்குறுதிகளை முதலீடுகள், போட்டித்தன்மை, ஏற்றுமதிகள் மற்றும் நிலையான வளர்ச்சியாக மாற்றுவதற்கு வினைத்திறனான மற்றும் உரிய நேரத்தில் அமுலாக்கம் அத்தியாவசியமானது என்றும் வலியுறுத்தியுள்ளது.
தேசிய வர்த்தக ஒற்றைச் சாளர முறைமை, கட்டம் கட்டமான துணை வரிக் குறைப்புக்கள், டிஜிட்டல் அடையாளக் கட்டமைப்பு, சுங்க மற்றும் அரச நிறுவனச் சீர்திருத்தங்கள், மற்றும் பண்டாரநாயக்க சர்வதேச விமான நிலைய விரிவாக்கம் ஆகியவை முன்னிலைப்படுத்தப்பட்ட முக்கிய நடவடிக்கைகளில் அடங்கும்.
எவ்வாறாயினும், வெளிநாட்டு நேரடி முதலீடுகளை ஈர்ப்பது, காரணிச் சந்தை மற்றும் அரச கொள்வனவுச் சீர்திருத்தங்கள், மற்றும் சுற்றுலா, விவசாயம், தகவல் தொழில்நுட்பம்/வணிகச் செயன்முறை வெளிப்பணி (IT/BPO) மற்றும் தளவாடங்களுக்கான இலக்கு சார்ந்த முயற்சிகள் ஆகியவற்றில் அதிக கவனம் செலுத்துமாறு சம்மேளனம் கோரியுள்ளது.