சிறுவர் பாதுகாப்புச் சட்டம் மற்றும் கொள்கையை முதல் தடவையாக பிரெயிலில் வெளியிட்டது தேசிய சிறுவர் பாதுகாப்பு அதிகார சபை

தேசிய சிறுவர் பாதுகாப்பு அதிகார சபை சட்டம் இல. 50/1998 மற்றும் தேசிய சிறுவர் பாதுகாப்பு கொள்கை ஆகியவற்றை பிரெயில் மொழியில் அச்சிட்டு வெளியிட்டுள்ளது. இலங்கையில் இவ்வாறானதொரு நடவடிக்கை மேற்கொள்ளப்படுவது இதுவே முதல் தடவையாகும்.
பார்வைக் குறைபாடுள்ள பிள்ளைகள் சிறுவர் பாதுகாப்பு, அவர்களது உரிமைகள் மற்றும் அதிகார சபையின் செயற்பாடுகள் தொடர்பான தகவல்களை நேரடியாகவும், சுதந்திரமாகவும் அணுகுவதை உறுதி செய்வதே இந்த முன்முயற்சியின் நோக்கமாகும்.
சிறுவர் பாதுகாப்பு தொடர்பான தகவல்களை, இயலாமை பாராது அனைத்துப் பிள்ளைகளும் சமமாக அணுகுவதை உறுதி செய்யும் தனது இலக்கிற்கு இந்த திட்டம் ஆதரவளிப்பதாக மகளிர் மற்றும் சிறுவர் விவகார அமைச்சு தெரிவித்துள்ளது.