නොමේරූ ළදරුවන්ගේ සෞඛ්ය ආරක්ෂාව තහවුරු කිරීමට විශේෂ මාර්ගෝපදේශ මාලාවක් ශ්රී ලංකාවෙන්

නොවැම්බර් 15 වැනිදාට යෙදී ඇති ලෝක නොමේරූ ළදරු දිනයට සමගාමීව, නොමේරූ ළදරුවන්ගේ සෞඛ්ය ආරක්ෂාව සහ අනාගත සංවර්ධනය තහවුරු කිරීම සඳහා විශේෂ මාර්ගෝපදේශ මාලාවක් හඳුන්වා දී ඇත.
මෙම මාර්ගෝපදේශ මාලාව හඳුන්වා දෙනු ලැබුවේ ශ්රී ලංකා ප්රසව හා නවජ බිළිඳු වෛද්යවරුන්ගේ සංගමය විසින් සංවිධානය කරන ලද සැමරුම් උත්සවයකදී වන අතර, එය සෞඛ්ය නියෝජ්ය අමාත්ය වෛද්ය හංසක විජේමුණි මහතාගේ ප්රධානත්වයෙන් පැවැත්විණි.
එහිදී අදහස් දැක්වූ වෛද්ය විජේමුණි මහතා කියා සිටියේ, නවජ දැඩි සත්කාර ඒකකවලින් පිටව ගිය පසු ළදරුවන්ට අඛණ්ඩ පසු විපරම් සත්කාර සෞඛ්ය සේවා මගින් සැපයිය යුතු බවයි. ප්රමාණවත් නොවන සත්කාර හේතුවෙන් සංවර්ධන, දෘශ්යාබාධ සහ ශ්වසන ගැටලු ඇතිවීමේ අවදානමක් පවතින බවද ඔහු අනතුරු ඇඟවීය.
නොමේරූ ළදරුවන් ආරක්ෂා කිරීම සඳහා රාජ්ය සෞඛ්ය සේවය, වෘත්තීය සංගම්, පෞද්ගලික අංශය සහ අනුග්රාහකයන් අතර සාමූහික සහයෝගීතාව අවශ්ය බවද වෛද්ය විජේමුණි මහතා වැඩිදුරටත් පැවසීය.