රුවන්වැලි මහා සෑය අසල ගැටුම සම්බන්ධයෙන් රාජාංගනේ සද්දරතන හිමි නොවැම්බර් 26 දක්වා රිමාන්ඩ්

රුවන්වැලි මහා සෑය අසල පසුගියදා ඇතිවූ ගැටුමක් සම්බන්ධයෙන් නොවැම්බර් 18 වැනිදා අත්අඩංගුවට ගත් රාජාංගනේ සද්දරතන හිමිනම නොවැම්බර් 26 වැනිදා දක්වා රිමාන්ඩ් කිරීමට අනුරාධපුර මහේස්ත්රාත් අධිකරණය නියෝග කළේය. මෙම සිද්ධිය සම්බන්ධයෙන් අත්අඩංගුවට ගත් සෙසු සැකකරුවන් තිදෙනාට ඇප නියම විය.
ගැටුම අවුලුවාලීමට වගකිව යුතු යැයි කියන පුද්ගලයන් අත්අඩංගුවට ගැනීමට අපොහොසත් වීම සම්බන්ධයෙන් නොවැම්බර් 26 වැනිදා පෙනී සිට පැහැදිලි කරන ලෙස ප්රධාන මහේස්ත්රාත් සියපත් සසිඳු වික්රමරත්න මහතා නොවැම්බර් 17 වැනිදා අනුරාධපුර කොට්ඨාසයේ ජ්යෙෂ්ඨ පොලිස් අධිකාරීවරයාට නියෝග කිරීමෙන් පසු සද්දරතන හිමියන් අත්අඩංගුවට ගෙන තිබේ.
මීට පෙර ඇප ප්රතික්ෂේප වූ සෙසු සැකකරුවන් හත් දෙනා වෙනුවෙන් පෙනී සිටි නීතිඥවරුන් කියා සිටියේ පොලිසිය ගැටුම වැළැක්වීමට අපොහොසත් වූ බවත්, ගැටුම අවුලුවාලූ පුද්ගලයන් 25කට අධික සංඛ්යාවක් නොසලකා හැර ඇති බවත්, වීඩියෝ දර්ශන අනුව ගැටුම මෙහෙයවීමට පොලිසිය උදව් කර ඇති බවත්ය.