කොළඹ මුවර් ඉස්ලාමීය සංස්කෘතික මධ්යස්ථානයේ 73 වැනි වාර්ෂික මීලාද් ත්යාග ප්රදානෝත්සවය

කොළඹ මුවර් ඉස්ලාමීය සංස්කෘතික මධ්යස්ථානය විසින් 73 වැනි වාර්ෂික මීලාද් තරග ත්යාග ප්රදානෝත්සවය නොවැම්බර් 14 වැනි දින කොළඹ, වැල්ලවත්තේ පිහිටි ඒ.ඒ.එම්. මාලීන් ශාලාවේදී පවත්වන ලදී.
මධ්යස්ථානයේ සභාපති ඕමාර් කාමිල් මහතාගේ ප්රධානත්වයෙන් පැවති මෙම උත්සවයේ ප්රධාන ආරාධිත අමුත්තා ලෙස ශ්රී ලංකාවේ තුර්කි තානාපතිවරයා සහභාගී වූ අතර, හිෆ්ස්, කථනය, බහුමාධ්ය ඉදිරිපත් කිරීම් සහ අක්ෂර කලාව යන අංශ හරහා ජයග්රාහකයින් 67 දෙනෙකුට සම්මාන ප්රදානය කරන ලදී.
ජයග්රාහී සිසුන් අතරින් එම්.එන්.එෆ්. නුෂා සිංහල භාෂාවෙන් ද, අමීරා හමීඩ් ඉංග්රීසි භාෂාවෙන් ද, නෆීස් මුබාරක් සහ එම්.එස්. මයිමූනා දෙමළ භාෂාවෙන් ද මුහම්මද් නබිතුමාට ගරු කිරීමේ වැදගත්කම පිළිබඳව කථා පැවැත්වූහ.