2024 සිට ශ්රී ලංකා නිලධාරීන් 2,481ක් සඳහා පුහුණු වැඩසටහන් 380ක් චීනයෙන්

2024 සිට 2026 දක්වා කාලය තුළ ශ්රී ලංකා රජයේ නිලධාරීන් 2,481ක් සඳහා පුහුණු වැඩසටහන් 380ක් චීනය විසින් ලබා දී ඇති බව මුදල් හා ක්රමසම්පාදන නියෝජ්ය අමාත්ය ආචාර්ය අනිල් ජයන්ත ප්රනාන්දු මහතා පැවසීය.
කොළඹ පැවති ආදි ශිෂ්ය පිළිගැනීමේ උත්සවයකදී අදහස් දැක්වූ ආචාර්ය ප්රනාන්දු මහතා, 2026 වසරේදී බාහිර සම්පත් දෙපාර්තමේන්තුව හරහා ද්විපාර්ශ්වික හා බහුපාර්ශ්වික වැඩසටහන් 57ක් සඳහා නිලධාරීන් 700කට අධික සංඛ්යාවක් සහභාගී වූ බව සඳහන් කළේය.
චීනයේ වාණිජ අමාත්යාංශය ද රාජ්ය නිලධාරීන්ට ප්රමුඛ පෙළේ චීන විශ්වවිද්යාලවලින් ශාස්ත්රපති හා ආචාර්ය උපාධි හැදෑරීමට ශිෂ්යත්ව ලබා දී ඇත.
වැඩසටහන්වල සාර්ථකත්වය මැනිය යුත්තේ පුහුණු සංඛ්යා මත පමණක් නොව, රාජ්ය සේවා සහ ආයතනවල දියුණුව මත බව ආචාර්ය ප්රනාන්දු මහතා අවධාරණය කළේය.