2027 අයවැයට ප්රාග්ධන වෙළෙඳපොළ යෝජනා දෙකක් ඇතුළත් කිරීම සුරැකුම්පත් කොමිසමෙන් ඇගයීමක්

ශ්රී ලංකා සුරැකුම්පත් හා විනිමය කොමිෂන් සභාව (SEC) විසින්, “සැමට කොටසක්” (A Share for Everyone) සහ සුළු හා මධ්ය පරිමාණ ව්යවසාය ලැයිස්තුගත කිරීමේ ආධාරක යාන්ත්රණය (SME Listing Support Mechanism) යන සිය යෝජනා දෙක 2027 අයවැයට ඇතුළත් කිරීම අගය කර ඇත.
මෙම වැඩසටහන් මගින් සැපයුම් සහ ඉල්ලුම් යන දෙපාර්ශ්වයෙන්ම ප්රාග්ධන වෙළෙඳපොළ සහභාගීත්වය සාපේක්ෂව අඩු මට්ටමක පැවතීමට විසඳුම් ලැබෙන බව සුරැකුම්පත් කොමිසමේ සභාපති ජ්යෙෂ්ඨ මහාචාර්ය හාරේන්ද්ර දිසාබණ්ඩාර මහතා පැවසීය.
“සැමට කොටසක්” වැඩසටහන මගින් උසස් පෙළ සිසුන්ගේ මූල්ය සාක්ෂරතාව වැඩිදියුණු කිරීම සහ තරුණයින් අතර ආයෝජන සංස්කෘතියක් ඇති කිරීම ඉලක්ක කරයි.
සුළු හා මධ්ය පරිමාණ ව්යවසාය ලැයිස්තුගත කිරීමේ යාන්ත්රණය මගින් සුළු හා මධ්ය පරිමාණ ව්යවසායන්ට කොටස් වෙළෙඳපොළ ලැයිස්තුගත කිරීම් හරහා ප්රාග්ධනය රැස් කිරීමට, ආයතනික පාලනය වැඩිදියුණු කිරීමට සහ මහජනතාව සඳහා ආයෝජන අවස්ථා පුළුල් කිරීමට සහාය වීම අරමුණු කරයි.
මෙම වැඩසටහන් ක්රියාත්මක කිරීම සඳහා මුදල් අමාත්යාංශය, කොළඹ කොටස් වෙළෙඳපොළ සහ අනෙකුත් වෙළෙඳපොළ පාර්ශ්වකරුවන් සමඟ සහයෝගයෙන් කටයුතු කරන බව කොමිෂන් සභාව පැවසීය.