කඩවත-රාගම-වැලිසර මාර්ගය පුනරුත්ථාපනයට රුපියල් මිලියන 666ක ව්යාපෘතියක් ඇරඹේ

කඩවත-රාගම-වැලිසර මාර්ගය (B168) පුළුල් කිරීමේ හා නවීකරණය කිරීමේ ව්යාපෘතිය නොවැම්බර් 17 වැනිදා දෙල්පේ හන්දියේදී විදේශ කටයුතු අමාත්ය විජිත හේරත් මහතාගේ සහ නියෝජ්ය අමාත්ය මහින්ද ජයසිංහ මහතාගේ ප්රධානත්වයෙන් ආරම්භ විය.
රුපියල් මිලියන 666කට අධික මුදලක් වැය වන මෙම ව්යාපෘතිය මාර්ග සංවර්ධන හා ප්රවාහන අමාත්යාංශය සහ මාර්ග සංවර්ධන අධිකාරිය හරහා මාස නවයක් ඇතුළත නිම කිරීමට සැලසුම් කර ඇත.
මෙම ව්යාපෘතිය මගින් ගංවතුර වැළැක්වීමේ මාර්ග සකස් කිරීම් හඳුන්වා දීමටත්, ජල සැපයුමේ කාර්යක්ෂමතාව වැඩි දියුණු කිරීමටත් සැලසුම් කර ඇත. රාගම නගරයේ බහුමාන ප්රවාහන මධ්යස්ථානයක් ද සමගාමීව ඉදිකිරීමට නියමිතය.