ඉන්දියාවේ උත්තරකාන්ද් ප්රාන්තයේදී බස් රථයක් ප්රපාතයකට පෙරළී 6ක් මරුට, 20කට තුවාල

ඉන්දියාවේ උත්තරකාන්ද් ප්රාන්තයේදී මීටර් 100ක් ගැඹුරු ප්රපාතයකට බස් රථයක් පෙරළීමෙන් පුද්ගලයන් හය දෙනෙකු මියගොස් 20 දෙනෙකු තුවාල ලබා ඇත. වාර්තා පෙන්වා දෙන්නේ මගීන් 30 ත් 35 ත් අතර සංඛ්යාවක් බස් රථයේ සිට ඇති බවයි.
ටෙහ්රි ගාර්වාල් දිස්ත්රික්කයේ කඳුකර මාර්ගයක පාලමක් අසලදී බස් රථය පාලනය කරගත නොහැකි වී ඇති අතර, ලංකාශ්රී පුවත් සේවය කුලාර් බසාර් ලෙසත්, හිරු නිවුස් ගුලාර් බසාර් ලෙසත් හඳුන්වා ඇති ප්රදේශයක් අසලදී මෙම අනතුර සිදුව ඇත.
තුවාල ලැබූ මගීන් ගිලන් රථ මගින් ආසන්න රෝහලකට ප්රවාහනය කර තිබේ. සියලුම මගීන් සම්බන්ධයෙන් තොරතුරු තහවුරු කර ගැනීම සඳහා මුදාගැනීමේ සහ සෝදිසි මෙහෙයුම් සිදුකිරීමට රාජ්ය ආපදා ප්රතිචාර බලකා කණ්ඩායම් පිටත් කර යවා ඇත.